Reflexão do Nelito, meu irmão mais novo!

Este post é um e-mail que recebi do Nelito, meu irmão mais novo, no último dia do ano de 2008, achei que merecia ser partilhado. Está escrito em Crioulo de Cabo Verde.

Novo ano sta conco na porta; por isso, parabens pa bo ki teni oportunidade de entrakel novo ano li, parabens pamodi bu teni capacidade de ler kel mensagem li, parabens pamodi bu teni vida.

Camaradas nu teni oportunidade de comesa um novo ano, nu tem capacidade e nu teni vida, por isso nu luta pa nu ser midjor.

Ta flado ma "pa nu consigue cusas que nunca nu tevi nu tem que fazi cusas ki nunca nu fazi", sera que dja bu deside fazi cusas ki nunca bu fazi?

Tcheu alguem ta vive na passado, es ta diminui ses capacidade so cu pensamentos, es ta dexa passado influencia de mais ses presente; dja sta na hora de mudansa.

Amigos, imagina que vida era conduziba um carro, nos maior atensao tinha que ser na kel vidro grande (para-brisa) -presente - e claro que nu tinha que odja de vez em quanto, mas cu cautela, na kel espedjo piquinote (retruvisor) - passado; amigos quenha que ta odja na retruvisor de mais tem maiores possibilidade deda acidente pamodi es ka sta toma atensao na cusas que sta pa frente; nu vive nos vida cu atensao na nos para-brisas.

Gentis e importante sabi na ki meio que nu sta vive e undi que nu sta tenta produzi. Um raiz de arvore ka ta criaba pe serba um tronco grande e forte si kenha que semiaba el puba el na meio de pedras ou na um garafa. Nos vida e kel me, pa nu cria nu tem que escodji um lugar ao meio que ta djudanu cria. E mais facil cria horas que nu teni ajuda. Bu sabi kela que podi ajudou?

Forte abraso

Valdir aka Nelito